കൊല്ലം: തിരുവാഭരണം അഴിമതി കേസിലെ മുഖ്യപ്രതിയായ മുൻ ദേവസ്വം കമ്മീഷണർ എൻ. വാസുവിന്റെ റിമാൻഡ് കാലാവധി ഈ മാസം 22 വരെ കൊല്ലം വിജിലൻസ് കോടതി നീട്ടി.
അതേസമയം, കട്ടിളപ്പാളി കേസിൽ പത്മകുമാറിന്റെയും സുധീഷ് കുമാറിന്റെയും ജാമ്യഹർജികളിലെ വാദം പൂർത്തിയായി. പത്മകുമാറിന്റെ ജാമ്യഹർജിയിൽ ഈ മാസം 12-നും, സുധീഷ് കുമാറിന്റേതിൽ ഈ മാസം 15-നും കോടതി വിധി പറയും.
എൻ. വാസുവിന്റെ ജാമ്യഹർജി ഈ മാസം 15-ന് ഹൈക്കോടതി പരിഗണിക്കും. നേരത്തെ കൊല്ലം വിജിലൻസ് കോടതി വാസുവിന്റെ ജാമ്യഹർജി തള്ളിയിരുന്നു.
ഇതിനിടെ, ദ്വാരപാലക കേസുമായി ബന്ധപ്പെട്ട് ഒരു ദിവസത്തേക്ക് പ്രത്യേക അന്വേഷണസംഘത്തിന്റെ കസ്റ്റഡിയിൽ വിട്ടിരുന്ന പത്മകുമാറിനെ ചോദ്യംചെയ്യൽ പൂർത്തിയാക്കി. ഇതിന് ശേഷം ഇന്ന് വൈകിട്ട് 5 മണിക്ക് പത്മകുമാറിനെ കൊല്ലം വിജിലൻസ് കോടതിയിൽ ഹാജരാക്കും.
